बिर्तामोड, पुस २७ । झापाको मेचीनगरमा भित्री सडकखण्डमा कारले ठक्कर दिँदा एकजना पैदलयात्रुको मृत्यु भएको छ ।
मृत्यु हुनेमा भारतको कुच बिहार पश्चिम बंगालका २५ वर्षीय अप्पु रायको मृत्यु भएको हो । दुर्घटनामा सोही ठाउँका २० वर्षीय केशव मादक गम्भीर घाइते भएका छन् ।
रायको उपचारको क्रममा धुलाबारीस्थित आम्दा मेची अस्पतालमा राति ११ः३० बजे मृत्यु भएको जिल्ला प्रहरी कार्यालय झापाले जनाएको छ ।
हिजो राति ०९ः३० बजे मेचीनगर-१५ भगवती प्लाई फ्याक्ट्रीअगाडि ज्यामीरगढीबाट धुलाबारीतर्फ जाँदै गरेको डब्ल्युबी ७४ एजी १२२५ नम्बरको भारतीय कारले उनीहरुलाई ठक्कर दिएको थियो ।
प्रहरीले आज ११ः३० बजे कार चालक भारत पश्चिम बंगाल बागडुग्र बस्ने २३ वर्षीय रोशन खत्रीलाई नियन्त्रणमा लिइएको प्रहरीले जनाएको छ ।
Comments are closed