बिर्तामोड, मंसिर १२ । लागुऔषध नियन्त्रण ब्युरो काँकरभिट्टाको प्रहरी टोलीले भारतबाट नेपालतर्फ आउँदै मानिसलाई लागुऔषध र मोटरसाइकलसहित पक्राउ गरेको छ ।
जिल्ला प्रहरी कार्यालय झापाका अनुसार एक ग्राम २९० मिलिग्राम खैरो हेरोइनसहित अर्जुनधारा-११ का ४८ वर्षीय रविन तामाङलाई पक्राउ गरिएको हो ।
हिजो राति ०७ः३० बजे मेचीनगर-६ काँकरभिट्टाको पुरानो मेचीपुलमा मे.११ प.३९९४ नम्बरको मोटरसाइकल जाँच गर्ने क्रममा ट्यांकीमा प्लास्टिकले च्यापेर लुकाएर राखेको प्रतिबन्धित खैरो हेरोइन भेटिएको थियो ।
