बिर्तामोड, पुस १० । झापाको मेचीनगरबाट दमकका एकजना युवालाई प्रहरीले लागुऔषध र मोटरसाइकलसहित नियन्त्रणमा लिएको छ ।
पक्राउ पर्नेमा दमक-४ का २२ वर्षीय गोपाल श्रेष्ठ रहेका छन् । उनीमाथि शंका लागेर जाँच गर्दा मोटरसाइकलको हेन्डलभित्र लुकाएको दुई ग्राम १७० मिलिग्राम खैरो हेरोइन भेटिएको थियो ।
हिजो साँझ ७ बजे मेचीपुलमा लागुऔषध नियन्त्रण ब्युरो काँकरभिट्टाको प्रहरी टोलीले भारतबाट नेपालतर्फ आउँदै गरेको मे. ७ प ४३८८ नम्बरको मोटरसाइकलमा रहेका श्रेष्ठलाई नियन्त्रण लिएको हो ।
