बिर्तामोड, पुस १० । बाहुनडाँगी जेसिज वर्ष २०२४ का अध्यक्ष देबु बानियाँ वर्ष उत्कृष्ट शाखा अध्यक्षबाट सम्मानित भएका छन् । उनलाई नेपाल जेसिजको हालै सम्पन्न राष्ट्रिय महाधिबेशनमा सम्मान गरिएको हो ।
यही पुस ६ गतेदेखि ८ गतेसम्म इटहरीमा सम्पन्न नेपाल जेसिजको ५१ औँ राष्ट्रिय महाधिवेशनबाट जेसिजका १७८ वटा शाखा मध्येबाट बानियाँलाई वर्षकै सक्रिय अध्यक्षको अवार्डबाट सम्मान गरिएको हो ।
अध्यक्ष बानियाँलाई नेपाल जेसिजका वर्ष २०२४ का राष्ट्रिय अध्यक्ष रविन पोखरेलले सम्मान गरेका हुन् ।
बानियाँले बाहुनडाँगी जेसिजको नेतृत्व सम्हालेयता ६१ वटा उत्कृष्ट कार्यक्रम सम्पन्न गरेका थिए । त्यस्तै, बाहुनडागी जेसिज १२ महिना अवार्ड पाउने शाखाको रुपमा समेत सम्मानित भएको छ ।
नेपाल जेसिजले दिएका जिम्मेवारीहरुलाई पूरा गर्दै बाहुनडाँगी जेसिजलाई १०० प्रतिशत एफिसेन्सी अवार्डबाट सम्मान गरिएको छ ।
