बिर्तामोड, माघ १५ । झापाको शिवसताक्षीमा पिकअपको ठक्करबाट स्कुटर चालकको मृत्यु भएको छ । दुर्घटनामा शिवसताक्षी-९ का १९ वर्षीय सुजल अधिकारीको मृत्यु भएको जिल्ला प्रहरी कार्यालय झापाले जनाएको छ ।
पूर्वपश्चिम राजमार्गअन्तर्गत शिवसताक्षी–११ स्थित झरना पुलनजिक मंगलबार दिउँसो साढे २ बजेको समयमा बिर्तामोडबाट दमकतर्फ जाँदै गरेको प्रदेश १–०२–००२ च ६४५४ पिकअप र विपरीत दिशाबाट आउँदै गरेको प्रदेश १–०१–०१२ प ३३७१ नम्बरको स्कुटर एकआपसमा ठोक्किँदा दुर्घटना भएको थियो ।
दुर्घटनामा घाइते भएका अधिकारीलाई बिएन्डसी अस्पताल बिर्तामोड पु¥याउँदा डाक्टरले जाँच गर्दा मृत्यु भइसकेको थियो ।
पिकअप चालक तेह्रथुम म्याङ्लुङ नगरपालिका-४ का ३६ वर्षीय अर्जुन शंकरलाई इलाका प्रहरी कार्यालय सुरुङ्गाले नियन्त्रणमा लिएको जनाइएको छ ।
Comments are closed