२०७८ बैशाख १० शुकर्बार
Jhapa Today
Adv top

बिर्तामोडको राहत कोषमा सहाराको १ लाख ७१ हजार


बिर्तामोड, चैत ३० । सामाजिक सेवामुलक कार्यमा अग्रणी सहारा नेपाल साकोस बिर्तामाड—२ चारपानेले बिर्तामोड नगरपालिकाको राहत कोषमा नगद हस्तान्तरण गरेको छ ।

आइतबार संस्थाका सहसचिव ज्ञानुनाथ मैनाली नेतृत्वको साकोस टोलीले कोरोना भाइरस राहत कोषमा नगद एक लाख ७१ हजार रुपैयाँ हस्तान्तरण गरेको हो ।

हस्तान्तरण गरिएको रकमले गरिब तथा विपन्नवर्ग तथा विपत्तिमा रहेको सबै नगरबासीलाई खाद्यान्नमा सहयोग पुग्ने सहाराले विश्वास लिएको सञ्चालक सदस्य शंकर रिजालले जानकारी दिए ।

नगरको तर्फबाट नगर प्रमुख धु्रवकुमार सिवाकोटीले बिर्तामोड नगरमा सबैभन्दा बढी रकम जम्मा गरेकोमा सहाराको प्रशंसा गरे । नगरका सहकारी प्रमुख डिल्ली दाहालले सहजीकरण गरेको कार्यक्रममा सहाराका सहयोग समिति संयोजक राम रोक्काले विपन्नलाई नगद सापटीदेखि आफ्नो कार्य क्षेत्रका सबै गाउँपालिका, नगरपालिका र १ नम्बर प्रदेशलाई समेत सहयोग गरिएको जानकारी दिए ।

बिर्तामोडमा संस्थाको केन्द्रीय कार्यालय तथा तीनवटा सेवाकेन्द्र रहेको छ । सदस्य संख्याको जनघनत्व अधिक भएका हिसाबले समेत यो रकम सहयोग गरिएको मैनालीले बताए ।

सो सहयोग हस्तान्तरण कार्यक्रममा सञ्चालक सदस्य अर्जुन चुँडाल, सेवाकेन्द्र प्रमुखहरू घनश्याम राय, जगत कर्की, गणेश उप्रेतीलगायतको उपस्थिति रहेको थियो । यसैबीच, संस्थाले आज आइतबार झापाका सबै पालिकाहरूमा सहयोग गरेको छ ।

Leave a Reply

Your email address will not be published. Required fields are marked *

*

*

*