बिर्तामोड, जेठ १० । इलाममा जन्मे हुर्किएर हाल विदेशमा रहेका एकै परिवारका चारजना दिदीबहिनीले इलाम अस्पताललाई स्वास्थ्य सामग्री सहयोग गरेका छन् ।
विभिन्न देशमा रहेका इलाम–७ निवासी कमल गुरुङका चार छोरीहरू सुजु गुरुङ, सुनु गुरुङ, मुनु गुरुङ र अनु गुरुङले जिल्ला अस्पताल इलामलाई एक लाख मूल्य बराबरको स्वास्थ्य सामग्री सहयोग गरेका हुन् ।
उनीहरुले पठाएको रकमबाट प्यासेन्ट मोनिटर, स्यानिटाइजर, मास्क, ग्लोभ्स लगायतका सामग्रीहरू खरिद गरी आमा बुद्धमाया गुरुङ (मुखिया) ले अस्पताललाई हस्तान्तरण गरिन् ।
अस्पतालका वरिष्ठ विशेषज्ञ चिकित्सक प्रभु शाह र आकस्मिक कक्षका इन्चार्ज टिका लुइँटेललाई इलाम–७ वडा अध्यक्ष नरेश श्रेष्ठको उपस्थितिमा स्वास्थ्य सामग्री हस्तान्तरण गरिएको हो ।
यस्तो विषम परिस्थितिमा अस्पताललाई आफूहरूले देशबाहिर रहेर पनि सहयोग गर्न पाएकोमा मुनु गुरूङले धेरै खुसी मिलेको बताइन् । मुनु यसअघि उक्त अस्पतालमा नर्सका रुपमा कार्यरत थिइन् ।
