बिर्तामोड, असोज १० । झापाको बिर्तामोड–४ मा कार्यालय रहेको शब्दपत्र प्रकाशन प्रालिद्वाारा प्रकाशन तथा प्रशारण हुँदै आएको अनलाइन पोर्टल शब्दपत्र डटकमस्थापनाको दोस्रो वर्ष सफलतापूर्वक प्रवेश गरेको छ ।
विशेष गरेर स्थानीय समाचारलाई प्राथमिकतामा राखेर प्रकाशन तथा प्रशारण हुँदै आएको अनलाइन पोर्टलले छोटो समयमा धेरैको मन जित्न सफल भएको छ ।
२०७८ को घटस्थापनाको अवसर पारेर सञ्चालनमा आएको शब्दपत्रको उद्घाटन नेपाल पत्रकार महासंघ झापा शाखाका अध्यक्ष एकराज गिरीले गरेका थिए ।
शब्दपत्र अनलाइनले हाल परिवर्तन हुँदै आएको डिजिटल पत्रकारिताका माध्यमबाट स्थानीय समाचारलाई पाठकसम्म पुर्याउने कार्य गरिरहेको सम्पादक तथा प्रकाशक उद्धव पुरी बताउँछन् ।
करिब १८ बर्ष धरानबाट प्रकाशन हुँदै आएको ब्लाष्ट टाइम्स दैनिकको बिर्तामोड कार्यालयमा कार्यसम्पादन गरिसकेका पुरी अबको पत्रकारिताका लागि हरेकले प्रविधिसँग खेल्नुपर्ने र पाठकको मन जित्न सक्नुपर्ने बताउँछन् ।
सबै पाठक र विज्ञापनदाताको साथ र सहयोगका कारण नै छोटो समयमा शब्दपत्र प्रकाशन प्रालि सबैसमक्ष लोकप्रिय बन्न पुगेको सम्पादक तथा प्रकाशक पुरीले बताएका छन् ।
शब्दपत्रको आफ्नै युट्युब च्यानल, फेसबुक पेज र ट्विटरबाट देश तथा विदेशमा रहेका पाठक तथा शुभचितन्कले समाचार तथा समाचारमुलक भिडियो हेर्न र पढ्न सक्नेछन् ।
