दमक, असोज ११ । नेपाल औषधि व्यवसायी संघ (एनसिडिए) झापा शाखाको आसन्न निर्वाचनमा उपाध्यक्षसहित पदहरु थप भएको छ ।
संघको केन्द्रीय अधिवशेनबाट संशोधित विधानअनुसार जिल्ला शाखामा पदहरु थप गरिएको कोसी प्रदेशका वरिष्ठ उपाध्यक्ष नरेन्द्र बरालले जानकारी दिए ।
बरालका अनुसार यसअघि ११ सदस्यीय रहेको जिल्ला शाखामा अब १५ सदस्यीय कार्यसमिति बन्ने भएको छ । विधानले वरिष्ठ उपाध्यक्ष, थोक उपाध्यक्ष र खुद्रा उपाध्यक्ष तथा सदस्यमा दुई पद थप गरेको हो ।
संघका महासचिव जीवनकुमार खड्काका अनुसार झापा शाखाको दोस्रो जिल्ला अधिवेशन असोज १२ गते शुत्रबार भोलि दमकमा हुँदैछ । अधिवेशनको सम्पूर्ण तयारी पूरा भएको खड्काले जानकारी दिए ।
झापा शाखाको दास्रो अधिवेशनमा ३६३ जना व्यवसायीको मताधिकार रहेको कोषाध्यक्ष विवेक बजगाईंले जानकारी दिए ।
