बिर्तामोड, मंसिर १९ । झापाको बिर्तामोडस्थित पूर्वपश्चिम राजमार्गको राजगढ बस स्टेन्डमा दुईवटा कार एकआपसमा ठोक्किँदा एकजना घाइते भएका छन् ।
आज (मंगलबार) बिहानै पूर्वबाट पश्चिमतर्फ गइरहेको को. १ ज ३४९१ नम्बरको बोलेरो भेन र पश्चिमबाट पूर्वतर्फ गइरहेको डब्ल्युबि ७४ एडब्ल्यु ९९९३ नम्बरको भारतीय कार आपसमा ठोक्किएका थिए ।
कार दुर्घटना हुँदा कार चालक घाइते भएको ट्राफिक प्रहरीले जनाएको छ । दुर्घटना बिहान ०५ः४५ मा भएको जनाइएको छ ।
