दमक, पुस ९ । पूर्व–पश्चिम राजमार्गअन्तर्गत झापाको कमलमा बससँग स्कुटर ठोक्किँदा एकजनाको मृत्यु भएको छ ।
कमल गाउँपालिका–४ स्थित ज्योतिचोकमा आज बिहान ९ बजे पूर्वबाट पश्चिमतर्फ जाँदै गरेको मे. ११ प २०५१ नम्बरको स्कुटर र विपरीत दिशाबाट आउँदै गरेको को. १ ख ६४३५ नम्बरको बस एक आपसमा ठोक्किँदा दुर्घटना भएको थियो ।
दुर्घटनामा स्कुटरको पछाडि बसेका झापा अर्जुनधारा–७ निवासी ५० वर्षीय टेकनाथ खतिवडाको मृत्यु भएको जिल्ला प्रहरी कार्यालय झापाले जनाएको छ । उनलाई उपचारका लागि अस्पताल लैजाने क्रममा बाटोमै मृत्यु थियो ।
स्कुटर चालक अर्जुनधारा–९ निवासी २१ वर्षीय कमलप्रसाद खतिवडा र बस चालक मोरङ कानेपोखरी–६ निवासी ३० वर्षीय केशव बस्नेतलाई इलाका प्रहरी कार्यालय झिलझिलेले नियन्त्रणमा लिएको छ ।
