मेचीनगर, पुस १६ । झापाको मेचीनगर १५ स्थित हेल्दुबारीमा मोटरसाइकलले ठक्कर दिँदा एकजना साइकलयात्री घाइते भएका छन् ।
दुर्घटनामा घाइते साइकलयात्री मेचीनगर ७ बीचकामतका १७ वर्षीय विजय तामाङको प्रादेशिक अस्पताल भद्रपुरमा उपचार भइरहेको प्रहरी चौकी ज्यामिरगढीले जनाएको छ ।
आज साँझ सवा ५ बजे मोटरसाइकलले साइकललाई पछाडिबाट ठक्कर दिएको थियो । दुर्घटनामा मोटरसाइकल चालकलाई सामान्य चोट लागेको छ । मोटरसाइकल चालकलाई प्रहरीले नियन्त्रणमा लिएको छ ।
