मेचीनगर, चैत १९ । नदीजन्य पदार्थ अवैध रुपमा ओसारपोसार गरिरहेका तीनवटा ट्र्याक्टरलाई प्रहरीले मेचीनगरको निन्दा खोलाबाट नियन्त्रणमा लिएको छ ।
प्रहरीले हिजो दिउँसो २ः३० बजेको समयमा मेचीनगर १५ स्थित निन्दा खोलाबाट मे.१ त ४६१, मे.१ त ४०२९ र नम्बर नखुलेको एउटा ट्र्याक्टर नियन्त्रणमा लिएको हो ।
ती ट्र्याक्टरले नदीजन्य पदार्थ मिक्स गिट्टी अवैध रुपमा ओसारपोसार गर्दै गरेको अवस्थामा इलाका प्रहरी कार्यालय धुलाबारीबाट खटिएको प्रहरी गस्ती टोलीले भेटाएर नियन्त्रणमा लिएको हो ।
ती ट्र्याक्टरलाई आवश्यक कारबाहीको लागि मेचीनगर नगरपालिकाको कार्यालयमा बुझाएको जिल्ला प्रहरी कार्यालय झापाले जनाएको छ ।
