मेचीनगर, बैशाख २ । सहयोगी मनहरु नेपालको आयोजनामा मेचीनगरमा लामखुट्टे छेक्ने झुल वितरण कार्यक्रम सम्पन्न भएको छ ।
आज मेचीनगर–९ खुट्टीडाँगीस्थित सत्यनारायण मन्दिर परिसरमा भएको कार्यक्रममा अतिविपन्न ३० परिवालाई झुल वितरण गरिएको हो।
झुल वितरण संस्थाकी सदस्य प्रतीक्षा पराजुली र प्राकृतिक स्रोत द्वन्द्व रुपान्तरण केन्द्रकी संगीता थापाको सहयोगमा भएको हो ।
सहयोगी मनहरु नेपाल नारा भएको यस संस्थाले विगतदेखि देशव्यापि रुपमा दुःखमा परेका व्यक्तिहरुलाई सहयोग गर्दै आएको छ ।
गर्मी महिना सुरु भएसँगै लामखुट्टेको जोखिम बढ्दै गएको र झुल नभएको कारण कसैलै बिरामी हुनु नपरोस् भन्ने उद्देश्यले आज झापा र मोरङमा झुल वितरण भएको संस्थाका उपाध्यक्ष सुमनराज रिमालले बताए ।
प्रमुख अतिथि मेचीनगर–९ का वडा अध्यक्ष कञ्चन तामाङ रहेको कार्यक्रम संस्थाका उपाध्यक्ष रिमालको अध्यक्षतामा भएको थियो ।
सचिव विष्णु उप्रेतीले सञ्चालन गरेको कार्यक्रममा समाजसेवी युवराज कटुवाल लगायत स्थानीयहरुको उपस्थिति रहेको थियोे ।
