बिर्तामोड, कात्तिक २२ । प्रहरीले झापाको भद्रपुरबाट प्रतिबन्धित लागुऔषध ब्राउन सुगरसहित एकजनालाई पक्राउ गरेको छ ।
आज बिहान भद्रपुर ५ मेचीपुलमा मेची प्रहरी बिटबाट खटिएको प्रहरी टोलीले भारतबाट प्रदेश १–०१–०१४ प ९२६६ नम्बरको स्कुटरमा नेपालतर्फ आउँदै गरेका भद्रपुर ९ बस्ने २८ वर्षीय एसिया लिम्बूलाई पक्राउ गरेको हो ।
जिल्ला प्रहरी कार्यालय झापाका अनुसार उनीमाथि जाँच गर्दा प्लास्टिकमा पोको पारेर ढाडमा राखेर लुकाएर ल्याउँदै गरेको ब्राउन सुगर प्लास्टिकबाहेक ५ ग्राम ११ मिलिग्राम बरामद गरेको हो ।
लिम्बूलाई स्कुटरसहित नियन्त्रणमा लिई जिल्ला प्रहरी कार्यालय झापामा राखेर थप अनुसन्धान जारी रहेको प्रहरीले जनाएको छ ।
