बिर्तामोड, कात्तिक २९ । झापाको अर्जुनधारामा अवैध उत्खनन गरिरहेको अवस्थामा प्रहरीले ९ वटा ट्याक्टर नियन्त्रणमा लिएको छ ।
स्थानीय बिरिङ खोलामा अवैध उत्खनन गरिरहेको अवस्थामा ती ट्याक्टर नियन्त्रणमा लिइएको प्रहरीले जनाएको छ ।
प्रारम्भिक वातावरणीय परीक्षण गरेर उत्खननका लागि छुट्याएको क्षेत्रभन्दा बाहिरबाट नदीजन्य सामग्री संकलन गरिरहेको समयमा ती ट्याक्टर नियन्त्रणमा लिएको जनाइएको छ ।
नियन्त्रणमा लिएका चारवटा ट्याक्टरमा नदीजन्य सामग्री लोड भएको तथा पाँचवटा खाली रहेको प्रहरीले जनाएको छ ।
सशस्त्र प्रहरी, नेपाल प्रहरी र नगर प्रहरीको संयुक्त टोलीले निषेधित क्षेत्रमा उत्खनन गरिरहेको समयमा मे. १ त ८८६६, मे. १ त ५३२६, मे. १ त ७५२९, मे. १ त ८४२०, मे. १ त ६०८०, मे. १ त २४८३, मे. १ त ७२९४, प्रदेश १–०१–००१ त ९३०० र नम्बर नखुलेको एउटा ट्याक्टर नियन्त्रणमा लिएको जनाएको छ ।
पक्राउ परेका ट्याक्टरलाई आवश्यक कारबाहीका लागि अर्जुनधारा नगरपालिकामा जिम्मा लगाइएको जनाइएको छ ।
