बिर्तामोड, पुस १६ । लायन्स क्लब अफ बिर्तामोड सिटीको पद हस्तान्तरण कार्यक्रम सम्पन्न भएको छ । एक कार्यक्रमका बीच झापाको भुरुङ्गामा वर्ष २०२०–२१ ले वर्ष २०२१–२२ लाई पद हस्तान्तरण गरेको हो ।
वर्ष २०२०–२१ का अध्यक्ष घनश्याम चौधरीले वर्ष २०२१–२२ का अध्यक्ष रामेश्वर द्विवेदीलाई लकेट लगाइदिएर पद हस्तान्तरण गरेका थिए । कार्यक्रमका प्रमुख अतिथि लायन्स क्लब अफ नेपाल ३२५ ए१ का डिजी रेवतबहादुर कार्कीको उपस्थितिमा पद हस्तान्तरण गरिएको हो ।
सोही कार्यक्रममा क्लबले मातृत्व प्रदान गरेको लायन्स क्लब अफ स्मार्ट लेडीलाई स्थापना गरी औपचारिकता प्रदान गरियो । क्लबकी अध्यक्ष लीला मैनालीको टिमलाई औपचारिकता प्रदान गरिएकोे हो ।
यसैबीच, सोही कार्यक्रममा बिर्तामोडका व्यवासायी तथा समाजसेवी विनोद बस्नेत र लायन्सका अग्रज सत्यनारायण शर्मालाई सम्मान गरिएको थियो । सामाजिक क्षेत्रमा पुर्याएको योगदानको उच्च मूल्यांकन गर्दै उनीहरुलाई सम्मान गरिएको हो ।
कार्यक्रममा अतिथिहरु इन्द्रबहादुर खत्री, फूलकुमार लालवाणी, मुकेश उपाध्याय, धीरज गुरुङ, विकास अधिकारी, विनाद बस्नेत, लीला चिमरिया, अञ्जु उपाध्याय, सत्यनारायण शर्माले शुभकामना व्यक्त गरेका थिए ।
सचिव उपेन्द्र बानियाँ र अनन्तलाल महतोले सञ्चालन गरेको कार्यक्रममा स्वागत चार्टर प्रसिडेन्ट नीरज ओलीले गरेका थिए ।
