बिर्तामोड, फागुन ४ । सञ्चालनको छोटो समयमै ग्राहकको मन जित्न सफल भएपछि झापाको शनिश्चरे बजारमा रहेको शनिअर्जुन मार्टले सेवा विस्तार गरेको छ ।
यसअघि भुइँतलामा मात्र रहेको मार्टले ग्राहकको सुविधाका लागि दोस्रो तलामा आधुनिक घरायसी सामानसहित सेवा विस्तार गरेको हो । एउटै छानामुनि सम्पूर्ण घरायसी सामग्री उपलब्ध गराउने उद्देश्यले मार्टले माथिल्लो तलामा विभिन्न उपहारका सामग्री र किचन आइटमका आवश्यक सामग्री थप गरेको सञ्चालक गजेन्द्रबहादुर पौडेलले जानकारी दिए ।
झापाको शनिश्चरे बजारमा गएको असोज २६ गते देखि शनिअर्जुन मार्ट सञ्चालनमा आएको थियो । मार्टको माथिल्लो तलाको उद्घाटन नेपाल उद्योग वाणिज्य महासंघ १ नम्बर प्रदेश का अध्यक्ष टिकराज ढकालले गरेका थिए । कार्यक्रममा बिर्तामोड उद्योग वाणिज्य संघका अध्यक्ष प्रकाश शिवाकोटी, मार्टका सल्लाहकार मोहन रेग्मी लगायतले शुभकामना व्यक्त गरेका थिए ।
मार्टमा उपहारका सामग्रीसहित घरायसी सबै प्रकारमा वस्तु पाइनेछ । मार्ट तीन करोड रुपैयाँभन्दा बढी लगानी गर्दै सञ्चालनमा ल्याइएको छ । मार्टमा सामग्री खरिद गर्ने ग्राहकलाई सदस्यता कार्ड वितरण गरिने र सो कार्डमार्फत सपिङ गर्दा पोइन्टका आधारमा ग्राहकले छुट सुविधा पाउने सञ्चालक पौडेलको भनाइ छ ।
एक सय रुपैयाँबराबरको सामान खरिद गर्दा मार्टबाट १ प्रतिशत क्यास ब्याकको सुविधा दिइएको छ । आफ्ना ग्राहकलाई उक्त कार्ड निःशुल्क उपलब्ध गराउने सञ्चालक पौडेलले बताए ।
