बिर्तामोड, साउन २९ । राजवंशी समाज विकास समितिको केन्द्रीय अध्यक्षमा अभय (वरुण) राजवंशी निर्वाचित भएका छन् ।
झापा कनकाईस्थित घैलाडुब्बाका स्थायी बासिन्दा अभय शैक्षिक व्यवसायी हुन् । उनी कोचिला ग्राभुर फ्रन्टका अध्यक्ष पनि हुन् ।
त्यस्तै, समितिको उपाध्यक्षहरुमा बद्रीनारायण राजवंशी, मोहन राजवंशी, नौतली राजवंशी र लक्ष्मीकुमारी राजवंशी चयन भएका छन् ।
समितिको महासचिवमा राजुकुमार राजवंशी र कोषाध्यक्षमा अनिलकुमार राजवंशी चयन भएका छन् ।
त्यस्तै, सचिवमा संगीता राजवंशी, सुवासचन्द्र राजवंशी, बबिता राजवंशी र पूर्णलाल राजवंशी चयन भएका छन् ।
समितिको सदस्यहरुमा सुपेन राजवंशी, रविन्द्र राजवंशी, नारायण राजवंशी, सुखित राजवंशी, जयप्रकाश राजवंशी, प्रमोद राजवंशी, मदनलाल राजवंशी, कल्पना राजवंशी, सावित्रा राजवंशी र मिनाकुमारी राजवंशी चयन भएका छन् ।
बिर्तामोडमा सम्पन्न समितिको विशेष केन्द्रीय अधिवेशनले अभयलाई अध्यक्षमा चयन गरेको हो । असार ३१ र ३२ गते मोरङमा सम्पन्न अधिवेशन विधि र प्रक्रियाविपरीत भएको भन्दै विशेष केन्द्रीय महाधिवेशन तदर्थ समितिले बिर्तामोडमा अधिवेशन गरेको हो ।
२०५० सालमा स्थापना भएको विकास समिति झापा, मोरङ र सुनसरी जिल्लामा मुख्य बसोबास गर्ने राजवंशीहरूको साझा जातीय संस्था हो ।
नवनिर्वाचित २१ सदस्यीय पूर्ण समितिबारे आज पत्रकार सम्मेलन गरेर समाजले जानकारी दिँदैछ ।
