![](https://jhapatoday.com/wp-content/uploads/2022/10/st-1024x564.jpg)
पोखरा, असोज ३० । नवौँ राष्ट्रिय खेलकुद प्रतियोगिताअन्तर्गत प्रदेश १ ले दोस्रो स्वर्ण पदक प्राप्त गरेको छ ।
सोमबार पोखरा रंगशालास्थित टेनिस कोर्टमा भएको सफ्ट टेनिस पुरुष सिंगलमा प्रदेश १ ले स्वर्ण पदक जितेको हो ।
![](https://jhapatoday.com/wp-content/uploads/2022/09/pathivara.jpeg)
प्रतियोगिताअन्तर्गत पुरुषतर्फ प्रदेश १ का युकेश योञ्जनले बाग्मती प्रदेशका प्रदिप खत्रीलार्ई ४–१ सेटले पराजित गरे ।
युकेशले सेमिफाइनलमा बाग्मती प्रदेशका निर्मल स्थापितलाई ४–० ले हराउँदै फाइनलको यात्रा तय गरेका थिए ।
पूर्वाञ्चलमा भएको सातौँ राष्ट्रिय खेलकुददेखि टेनिसमा प्रतिस्पर्धा गरिरहेका युकेशले सातौँमा कास्य, राखेपको प्रतिस्पर्धमा स्वर्ण र आठौँ राष्ट्रिय खेलकुदमा पनि स्वर्ण पदक जितेका थिए ।
![No description available.](https://scontent.fktm1-1.fna.fbcdn.net/v/t1.15752-9/301915071_1063512954302123_4331870716962606957_n.jpg?_nc_cat=104&ccb=1-7&_nc_sid=ae9488&_nc_ohc=XyexZrSgGJ4AX-2EeHV&_nc_ht=scontent.fktm1-1.fna&oh=03_AVJfryBZOgiFFEpYeyUgF2GLq6tRRCfGFMu-qxfF55UYuw&oe=636AC05A)
त्यस्तै, महिला सिङ्गलतर्फ प्रदेश १ की श्रेया योञ्जनले कास्य पदक जितिन् । श्रेयाले गन्डकी प्रदेशकी अदिति पराजुलीलाई हराउँदै कास्य पदक जितेकी हुन् । सिंगलमा पदक जितेका युकेश र श्रेया डबलमा समेत प्रतिस्पर्धा गर्नेछन् ।
योञ्जन प्रदेश १ बाट स्वर्ण जित्ने दोस्रो खेलाडी बनेका छन् । यसअघि पौडीका विकास कुमालले स्विमिङको ५० मिटर ब्रेस्ट स्ट्रोक इभेन्टतर्फ स्वर्ण पदक जितेका थिए ।