बिर्तामोड, माघ १० । झापा बिर्तामोड नगरपालिका ३ स्थित भगवान चोक निवासी २१ वर्षीय राजीव बस्नेत ६ दिनदेखि बेपत्ता भएका छन् ।
राजीव माघ ५ गते बिहीबार बिहान इलामको श्रीअन्तु घुम्न जान्छु भनी घरबाट हिँडेका थिए । प्रदेश १-०१-०१५ प ८०९७ मोटरसाइकल लिएर हिँडेको दुई घण्टापछि राजीवको मोबाइल बन्द भएको थियो ।
राजीवले हरियो रङ्गको ज्याकेट र ब्याग लिएर घुम्न निस्किएका थिए । राजीव हालसम्म परिवारजनको सम्पर्कमा नआएपछि प्रहरीमा उजुरी दिएको जनाइएको छ ।
कसैले कहीँकतै देख्नु भएमा नजिकको प्रहरी कार्यालय वा ९८२४०२३६३६, ९८१६०३७३७५ मा सम्पर्क गरिदिनुहुन परिवारजनले अपिल गरेका छन् ।
