-विनिशा शर्मा
मेचीनगर, फागुन २७ । रोटरी स्पोट्र्स फेस्टको अवसरमा रोटरी क्लब अफ मेचीनगरले आयोजना गरेको खुला दौडको उपाधि सविन लिम्बू र सुस्मिता राईले जितेका छन् ।
सीमावर्ती काँकरभिट्टाबाट धुलाबारीसम्म आज आयोजित ६ किलोमिटर दौडमा पुरुषतर्फ लिम्बू र महिलातर्फ राई प्रथम भए ।
बिर्तामोडका लिम्बूले निर्धारित दूरी १९ मिनेट १७ सेकेन्डमा र भद्रपुरकी राईले २६ मिनेट ५७ सेकेन्डमा पार गर्दै प्रथम भएका हुन् । उपाधिसँगै उनीहरुले नगद १० हजार र प्रमाणपत्र पाए ।
त्यस्तै, प्रतियोगितामा पुरुषतर्फ शरदसिंह लिम्बू दोस्रो, प्रज्ज्वल रायमाझी तेस्रो, बबी चौधरी चौथो र अर्जुन बस्नेत पाँचौँ भए । उनीहरुले ७ हजार, ५ हजार र २÷२ हजार र प्रमाणपत्र प्राप्त गरे ।
त्यस्तै, महिलातर्फ सविना तामाङ दोस्रो, रुपा राई तेस्रो, सरिता दनुवार चौथो र सविता चौहान पाँचौँ भए । उनीहरुले ७ हजार, ५ हजार र २÷२ हजार र प्रमाणपत्र प्राप्त गरे ।
क्लबका अध्यक्ष अनन्तप्रकाश वस्तीको अध्यक्षतामा भएको कार्यक्रममा मेचीनगर १० का वडाध्यक्ष नारायण खनाल, कञ्चन बराल लगायत रोटरी तथा अन्य विभिन्न संघसंस्थाका प्रतिनिधिहरुको उपस्थिति रहेको थियो । दौडमा सहभागीहरुलाई संस्थाले प्रमाणपत्र प्रदान गरेको थियो ।
