मेचीनगर, चैत १८ । धुलाबारी खानेपानी उपभोक्ता समितिको निर्वाचन सम्पन्न भएको छ ।
धुलाबारीको पासाङ ल्हामु स्मृति जेसीज प्रतिष्ठान टाउन हलमा आज सम्पन्न निर्वाचनमा तीन हजार १६३ मत खसेको थियो । कुल चार हजार ९१७ मतदाता रहेकामा एक हजार ७५४ उपभोक्ता भने अनुपस्थित रहे ।
समितिको निर्वाचनमा त्रिपक्षीय भिडन्त भएको छ । नयाँ नेतृत्वका लागि राजनीतिक दलहरु एकल तथा गठबन्धन बनाएर चुनावी मैदानमा छन् ।
निर्वाचनमा धनकाजी खत्री दाहाल, रचिन्द्र श्रेष्ठ र सन्तोष राजवंशीको नेतृत्वमा चुनावी प्रतिस्पर्धामा छन् ।
निर्वाचन समितिका अनुसार मतगणना भोलि आइतबार बिहान ८ बजेदेखि हुनेछ ।
