बिर्तामोड, बैशाख २१ । युवा तथा खेलकुद मन्त्रीमा डिगबहादुर लिम्बु नियुक्त भएका छन् । पुष्पकमल दाहालको नेतृत्वमा सरकार बनेको ४ महिनापछि युवा तथा खेलकुद मन्त्री नियुक्त गरिएको हो ।
सांसदीय निर्वाचनमा लिम्बू मोरङ क्षेत्र नम्बर १ बाट निर्वाचित भएका थिए । गत मंसिरमा सम्पन्न संघीय चुनावपछि पहिलोपटक पुस ११ गते प्रधानमन्त्री पुष्पकमल दाहालले मन्त्रिपरिषद गठन गरेयता सातपटक पुनर्गठन गरे ।
तर, पनि युवा तथा खेलकुद मन्त्रालय प्राथमिकतामा परेको थिएन । बुधबार आठौँ मन्त्रिपरिषद पुनर्गठनमा देशले खेलकुदमन्त्री पाएको हो ।
राष्ट्रपति रामचन्द्र पौडेलले बुधबार नेपालको संविधानको धारा ७६को उपधारा (९) बमोजिम प्रधानमन्त्रीको सिफारिसमा लिम्बूलाई मन्त्री नियुक्त गरेका हुन् । यसअघि प्रधानमन्त्री दाहालले नै खेलकुद मन्त्रालयको जिम्मेवारी सम्हालेका थिए ।
