मेचीनगर, भदौ ३ । मेची चेम्बर अफ कमर्सको आयोजनामा झापाको मेचीनगरस्थित धुलाबारीमा आँखा शिविर सम्पन्न भएको छ ।
आँखा शिविरमा ९० जनाले आँखाको निःशुल्क परीक्षण गरेका थिए । संस्थाले व्यवसायसँगै सामाजिक कामलाई निरन्तरता दिने उद्देश्यले शिविर सञ्चालन गरेको हो ।
संस्थाका वरिष्ठ उपाध्यक्ष विवेक पुरीको अध्यक्षतामा भएको कार्यक्रम प्रमुख अतिथि मेचीनगर १० का वडा सदस्य सोमनाथ ओझाको प्रमुख आतिथ्यतामा भएको थियो ।
महासचिव प्रकाश खड्काले सञ्चालन गरेको कार्यक्रममा स्वागत मन्तव्य उद्योग उपाध्यक्ष कृष्णकुमार पनेरुले राखेका थिए ।
रजक आइ केयर एन्ड चश्मा घरको प्राविधिक सहयोग गरेको आँखा शिविरको मेडिकल पार्टनर हरि हलेसी मेडिकल हल रहेको थियो ।
