![](https://jhapatoday.com/wp-content/uploads/2023/09/dhulabari-campus-1024x512.jpeg)
![](https://jhapatoday.com/wp-content/uploads/2023/09/pohani-rajbanshi-final-original.jpg)
मेचीनगर, भदौ २५ । झापाको मेचीनगर ७ मदनबस्तीकी १२० वर्षीया पोहानी राजवंशी नेपालकै ज्येष्ठ नागरिक हुनसक्ने परिवारले दाबी गरेको छ ।
![](https://jhapatoday.com/wp-content/uploads/2023/09/image-5.png)
उनका छोरा फतलाल राजवंशीका अनुसार आमाको उमेर १२० वर्ष हो । तर, नागरिकता प्रमाणपत्रका अनुसार पोहानीको उमेर ८२ वर्ष मात्र हुन्छ । नागरिकताअनुसार छोरा फतलालको उमेर भने ८४ वर्ष देखिन्छ ।
![](https://jhapatoday.com/wp-content/uploads/2023/09/image-4.png)
नागरिकता बनाउनेले कम उमेर लेखिदिएका कारण त्यस्तो भएको छोरा फतलालको भनाइ छ । उनले आफ्नी आमा १२० वर्ष पुगिसकेको बताए ।
![](https://jhapatoday.com/wp-content/uploads/2023/09/image-3.png)
नागरिकतामा पोहानीको जन्ममिति उल्लेख छैन । २०४० फागुन १४ गते झापा जिल्ला प्रशासन कार्यालयबाट जारी गरिएको उनको नागरिकतामा ४२ वर्ष उमेर उल्लेख छ ।
![](https://jhapatoday.com/wp-content/uploads/2023/09/image-2.png)
पोहानी जेठो छोरासँग सानो झुपडीमा बस्दै आएकी छन् । उनी सुत्ने ओछ्यानबाट आँगन र नजिकैको बाटोसम्म विस्तारै हिँडडुल गर्न सक्ने छोरा फतलालले बताए । पोहानीका पाँच छोरा र तीन छोरीमध्ये हाल तीन छोरा र एक छोरी जीवित छन् ।
![](https://jhapatoday.com/wp-content/uploads/2023/09/image-1.png)
यसअघि सप्तरीको तिरहुन १ का १३१ वर्षीय रखु बहरखेर नेपालका ज्येष्ठ नागरिक थिए । उनको २०७५ चैत ३० गते निधन भइसक्यो ।
![](https://jhapatoday.com/wp-content/uploads/2023/09/dhulabari-campus-1024x512.jpeg)
![](https://jhapatoday.com/wp-content/uploads/2023/08/image-10-1024x1024.png)