भद्रपुर, माघ २९ । भद्रपुरस्थित ओमसाई पाथिभरा हस्पिटलमा ड्युटी गर्दागर्दै सेक्युरिटी गार्ड इन्चार्जको मृत्यु भएको छ ।
भद्रपुर नगरपालिका–६ निवासी कुमार बोगटीको आज बिहान ५ः१५ बजे हृदयाघातको कारण मृत्यु भएको हस्पिटलले जनाएको छ । हस्पिटलको आकस्मिक कक्षनजिकैको मुल गेटमा ड्युटीमा रहेका बेला बोगटीलाई हृदयाघात भएको थियो ।
उनलाई उपचारका लागि आकस्मिक कक्ष पुर्याउन नपाउँदै मृत्यु भएको जनाइएको छ । उनी हस्पिटलमा १४ वर्षदेखि सेक्युरिटी इन्चार्ज पदमा कार्यरत थिए ।
हस्पिटलले कर्तव्य निष्ठ र मिलनसार कर्मचारी गुमाएको जनाएको छ । उनको श्रीमती र दुई छोरी रहेका छन् ।
