बिर्तामोड, फागुन ९। सामान्यतया ५० वर्षको उमेरपछि मात्र हाम्रो कपाल सेतो हुने गर्छ । तर, आजभोलि सानै उमेरमा कपाल फुल्ने गरेको हामीले देख्दै आएका छौँ । सानै उमेरमा कपाल फुल्नु अहिले सामान्य समस्या बनेको छ ।
युवाहरूमा मात्रै यो समस्या बढ्दै गएको छैन । बालबालिकासमेत यसको चपेटामा परेका छन् । यस्तो अवस्थामा मनमा यो प्रश्न आउनु सामान्य हो कि सानै उमेरमा कपाल किन सेतो हुन्छ ?
सामान्यतय कपालले आफ्नै प्राकृतिक रंग उत्पादन गर्छ । यो रंगलाई मेलानिन भनिन्छ । प्राकृतिक कपालको रंगमा उत्पादन गरिदिन्छ । तर, कपाललाई आवश्यकताअनुसारको पोषण, आराम र वातावरण नपाउँदा कपालभित्रको संयन्त्र बिग्रन थाल्छ ।
मेलानिनको उत्पादनमा असर परेपछि कपाल पहेँलो हुन थाल्छ । स्वास्थ्य विज्ञहरूका अनुसार बढ्दो प्रदूषण, अस्वस्थ खानपान र तनावका कारण कपालमा नकारात्मक असर पार्छ । आजभोलि १५ देखि ३० वर्ष वा त्योभन्दा कम उमेरमा कपाल फुल्ने समस्या देखिनुमा कपालमा रङको उत्पादन कम हुँदै जानु हो ।
सेतो कपाललाई कालो बनाउने उपाय
कपालको फोलिकल्समा कोशिकाहरू हुन्छन् । जसले पिग्मेन्ट अर्थात रङहरू उत्पादन गर्छन् । तिनीहरूले मेलानिन नामक रसायन उत्पादन गर्छन् । यसले कपाल कालो बनाउने काम गर्छ ।
जब बुढ्यौली सुरु हुन्छ, यी कोशिकाहरू मर्न थाल्छन् । मेलानिनको कमीले नयाँ कपालमा समस्या निम्त्याउँछ । यदि, तपाईंको कपाललाई एक पटक प्राकृतिक रूपमा कालो गर्न चाहनुहुन्छ भने, तपाईको आहारमा ध्यान दिनु पर्छ । यदि, गलत जीवनशैली र रोगका कारण कपाल सेतो भएको छ भने प्राकृतिक रूपमा फेरि कालो बनाउन सकिन्छ । त्यसमा लागि करी पात, गोसबेरी र भृङ्गराजको प्रयोग गर्न सक्नु हुनेछ ।
कपाल सेतो हुनुको कारण
भिटामिन वि १२ को कमी
निउरोफाइव्रोमेटोसिस एक वंशाणुगत रोग हो । जसले तन्त्रिका, हड्डी र छालालाई असर गर्छ ।
एलोपेसिया एरियाटाको समस्याका कारण कपाल झर्ने र सेलो पनि हुन सक्छ।
समस्याबाट कसरी बच्ने ?
एन्टिअक्सिडेन्ट युक्त खानामा बढी जोड दिने ।
सकेसम्म तरकारी र फलफूलको सेवन गर्ने ।
धुम्रपानबाट टाढा रहने ।
पर्याप्त मात्रामा भिटामिनयुक्त खानाको उपभोग गर्ने । कपाल स्वस्थ राख्न भिटामिन बी १२ सबैभन्दा महत्त्वपूर्ण छ ।
आफ्नो आहारमा खनिजहरू समावेश गर्ने ।
खनिजहरू कपालको वृद्धि र कोशिकाहरूलाई स्वस्थ राख्ने भएकाले यस प्रकारको खानामा जोड दिने ।
–एजेन्सी
