बिर्तामोड, चैत २६ । झापाको दमकमा मोटरसाइकल दुर्घटनामा परेर दुईजना घाइते भएका छन् ।
हिजो राति ९ः३० बजेको समयमा दमक–१ भाङबारीस्थित भित्री सडकखण्डमा बेलडाँगीबाट दमकतर्फ आउँदै गरेको प्रदेश १–०१–०१६ प २५६१ नम्बरको मोटरसाइकल आफैँ अनियन्त्रित भई दुर्घटना भएको थियो ।
दुर्घटनामा मोटरसाइकल चालक कमल–६ बस्ने २५ वर्षीय शंकर श्रेष्ठ र पछाडि बसेका दमक–२ बस्ने ३२ वर्षीय सुजन बुढाथोकी घाइते भएका छन् । दुवै घाइतेको लाइफलाइन अस्पताल दमकमा उपचार भइरहेको जिल्ला प्रहरी कार्यालय झापाले जनाएको छ ।
