बिर्तामोड, साउन २३ । झापा बिर्तामोडको निलकण्ठ ट्रेड एन्ड सप्लायर्सले बिर्तामोड उद्योग वाणिज्य संघलाई पानी प्रशोधन गर्ने मेसिन प्रदान गरेको छ ।
अतिथि सदनस्थित संघको कार्यालयमा आयोजित एक कार्यक्रमका बीच बिर्तामोड रामचोकमा रहेको निलकण्ठ (एनके) ले एक थान पानी प्रशोधन गर्ने मेसिन प्रदान गरेको हो ।
भारतीय ब्रान्ड प्युरोसिसको नेपालका लागि आधिकारिक बिक्रेताको रुपमा रहेको एनकेले सोही ब्रान्डको एक थान पानी प्रशोधन गर्ने मेसिन प्रदान गरेको हो ।
एनकेका प्रतिनिधि कञ्चना पोखरेल र मञ्जुश्री संग्रौला गिरीले संघका अध्यक्ष राजु न्यौपानेलगायतलाई पानी प्रशोधन गर्ने मेसिन हस्तान्तरण गरेका थिए ।
कार्यक्रममा एनके प्रतिनिध पोखरेलले मेसिनका विशेषताका बारेमा जानकारी गराएकी थिइन् भने संघका अध्यक्ष न्यौपानेले धन्यवाद दिएका थिए ।
एनकेका हालसम्म आठ हजारको हराहारीमा पानी प्रशोधन गर्ने मेसिनका सदस्यहरु रहेको कम्पनीले जनाएको छ । मेसिनको बजार मूल्य ४० हजार रुपैयाँ रहेको छ ।
