बिर्तामोड, भदौ २६। छिटो परिवर्तन हुने प्रविधिको दुनियाँले हाम्रो जीवन सजिलो बनाएको छ, तर यससँगै केही नकारात्मक प्रभावहरू पनि देखा परेका छन्। स्मार्टवाच सानो उपकरण जस्तो देखिए पनि यो हाम्रो शरीरसँग जोडिएको हुन्छ जसलाई लामो समय हाम्रो हातमा बाँधिएको हुन्छ।
हामी दिनानुदिन प्रविधिमा निर्भर हुँदै गइरहेका बेला स्मार्टवाच जस्ता साना ग्याजेटहरूले समेत हाम्रो स्वास्थ्यमा असर पुर्याउन थालेका छन् । यद्यपि यस्ता उपकरणहरूले हाम्रो जीवन सजिलो बनाउँछन्, तर यसका केही हानिकारक पक्षहरू भने पक्कै छन् ।
स्मार्टवाचको प्रयोग गर्दा प्रायः यसको दुष्प्रभावबारे कमै चर्चा हुने गर्दछ । स्मार्टवाचबाट निस्कने EMF (इलेक्ट्रोम्याग्नेटिक फील्ड) नामक रेडिएशन स्वास्थ्यका लागि हानिकारक हुन सक्छ । प्रायः हामी यसलाई केवल चार्ज गर्न आवश्यक पर्दा मात्र हटाउँछौं । जसकारण लामो समयसम्म स्मार्टवाच प्रयोग गर्दा शरीरमा नकारात्मक असर देखिन सक्छ ।
आज हामी तपाईंलाई प्रविधि र स्वास्थ्यको सन्तुलन कायम राख्दै स्मार्टवाचको सुरक्षित प्रयोग कसरी गर्ने भन्नेबारे जानकारी दिनेछौं ।
स्मार्टवाच प्रयोग गर्ने सही तरिकाः
जरुरत भन्दा बढी नलगाउनुहोस्
– स्मार्टवाच २४ घण्टा लगाउन आवश्यक छैन।
– विशेषगरी राति सुत्दा, यदि निन्द्रा ट्र्याकिङ आवश्यक छैन भने वाच हटाउनुहोस्। यसले छालालाई आराम दिन्छ र रेडिएशनको एक्सपोजर घटाउँछ।
स्ट्र्याप हल्का राख्नुहोस्
– वाचको स्ट्र्याप धेरै टाइट नबाँध्नुहोस्।
– धेरै टाइट हुँदा नसामा दबाब पर्न सक्छ र झनझनाहट हुन सक्छ।
समय समयमा सफा गर्नुहोस्
– पसीना, धुलो र फोहोर वाच र स्ट्र्यापमा जम्मा हुन सक्छ, जसले छालामा एलर्जी निम्त्याउन सक्छ।
– हप्ताको एकपटक हल्का चीसो कपडाले वाच र स्ट्र्याप सफा गर्नुहोस्।
नोटिफिकेशन सीमित गर्नुहोस्
– सबै एपको नोटिफिकेशन अन राख्दा बारम्बार अलर्ट आउँछ, जसले तनाव वा ‘नोटिफिकेशन एंग्जायटी’ बढाउन सक्छ।
– केवल आवश्यक एपको नोटिफिकेशन अन राख्नुहोस्।
हेल्थ डेटा पूर्ण रूपमा भरोसा नगर्नुहोस्
– वाचबाट प्राप्त हेल्थ डेटा सिर्फ गाइडको रूपमा लिनुहोस्।
– कुनै पनि गम्भीर मेडिकल निर्णय अघि डाक्टरको सल्लाह लिनुहोस्।
सुत्ने समयमा फ्लाइट मोड प्रयोग गर्नुहोस्
– वाच लगाएर सुत्दा ‘डु नट डिस्टर्ब’ वा फ्लाइट मोड अन गर्नुहोस्।
– यसले राति रेडिएशन र नोटिफिकेशनबाट बच्न मद्दत गर्छ।
