दमक, साउन ७ । झापाको दमकमा भएको मैत्रीपूर्ण फुटसल खेलमा पत्रकारहरुको टिम विजयी भएको छ ।
दमक–९ को रणभूमि फुटसल कोर्टमा आज भएको खेलमा पत्रकारको समूहले दमक बहुमुखी क्याम्पसका शिक्षकहरुलाई हराउँदै विजयी भएको हो । पत्रकारले शिक्षकलाई ५–२ गोल अन्तरले हराए ।
पत्रकार टिमको तर्फबाट कविध्जज राईले र वीरेन्द्र लिम्बूले समान २–२ गोल र सजन राईले एक गोल गरेका थिए ।
आजबाट सुरु भएको प्रदेशस्तरीय फुटसल प्रतियोगिताअघि मैत्रीपूर्ण खेल भएको हो । दमक बहुमुखी क्याम्पसको स्वतन्त्र विद्यार्थी युनियनको आयोजनामा भइरहेको प्रतियोगितामा झापा, मोरङ, सुनसरी र इलामका त्रिभुवन विश्वविद्यालयबाट सम्बन्धन प्राप्त २१ वटा क्याम्पसले प्रतिस्पर्धा युनियन सभापति सोविन न्यौपानेले जानकारी दिए ।
