मेचीनगर, साउन ९ । घर जीर्ण भएपछि कष्टकर जीवन बिताउँदै आएका मेचीनगर–३ दोकानडाँडाका छत्रबहादुर बस्नेत (ठुले) को नयाँ बन्ने घरको छानो धुलाबारीको एक क्लिनिकले हाल्दिने भएको छ ।
आर्थिक अवस्था दयनीय भएका बस्नेतको नयाँ घर बनाउन नवज्योति युवा क्लब र बाहुनडाँगी जेसीजले समिति बनाएर अभियान सञ्चालन गरिरहेका छन् ।
बस्नेतको अब बन्ने घरमा आवश्यक पर्ने जस्तापाता धुलाबारीमा रहेको हरि हलेसी मेडिकल हल एन्ड क्लिनिकका सञ्चालक सोम ओझाले उपलब्ध गराउने भएका हुन् ।
यसअघि पनि ओझाले बस्नेतका भाइ प्रदिपको उपचार र औषधि निःशुल्क गरिदिएका थिए । मेचीनगर–१० का वडा सदस्यसमेत रहेका ओझाले विपन्न परिवारलाई विभिन्न समयमा सहयोग गर्दै आएका छन् ।
सम्बन्धित समाचार:
