बिर्तामोड, माघ २८ । झापा अर्जुनधारामा रहेको बोस्टन क्रिकेट एकाडेमीका पाँचजना खेलाडी तेस्रो संस्करणको मनमोहन मेमोरियल यु–१६ राष्ट्रिय क्रिकेट प्रतियोगितामा छनोट भएका छन् ।
आजबाट पोखरा रङ्गशालामा हुने प्रतियोगिताका लागि उनीहरुलाई एक कार्यक्रमका बीच विदाइ गरिएको एकाडेमीका प्रमुख विनित बास्तोलले जानकारी दिए ।
विद्यालयमा आयोजित वार्षिकोत्सव कार्यक्रममा खेलाडीहरुको विदाइ गरिएको हो । खेलाडीहरु दिपु भुजेल, एलिस मण्डल, दिवस खड्का, दिभ्यांश बास्तोला र अर्बिन पौडेल बोस्टनका उत्पादन हुन् ।
११ वर्षीय दिभ्यांश बस्तोला भने नवनित एकाडेमीका विद्यार्थी हुन् । नेपाल क्रिकेट सङ्घ (क्यान) को वार्षिक क्यालेन्डरमा समावेश यस प्रतियोगितामा सात प्रदेश तथा आयोजक गरी आठ टोलीको सहभागिता रहनेछ । क्यानले यस प्रतियोगितालाई यु–१६ खेलाडी छनोट प्रतियोगिताको रूपमा लिएको छ ।
