बिर्तामोड, भदौ १६ । झापाको कन्काई नगरपालिका ३ एकान्त टोलमा रहेको कुखुरा र बंगुर फर्ममा आगलागी भएको छ ।
हिजो राति ११ः४५ बजेतिर विद्युत सर्ट भई सूर्य चौलागाँईले संचालन गरेको कुखुरा र बंगुर फर्ममा आगलागी भएको हो ।
आगलागीबाट काठको बेरा र टिनको छाना भएको फार्मको काठपात ,कुखुराको दाना, दाना बनाउने दुईवटा मेशिन , १० वटा कुखुराको माउ र चल्ला गरी करिव ३ लाख बराबरको क्षति भएको इलाका प्रहरी कार्यालय बिर्तामोडले जनाएको छ ।
