बिर्तामोड, असोज ७ । झापाको हल्दिबारीमा आगलागीबाट एउटा घर जलेर नष्ट भएको छ । आगलागीबाट करिब १२ लाख बराबरको क्षति भएको बताइएको छ ।
हिजो राति अन्दाजी १ः३० बजेको समयमा हल्दिबारी गाउँपालिका–३ रमाइलो चोक निवासी ताराबल्लब गिरीको काठको घरमा भएको आगलागीबाट घर पूर्ण रूपले जलेर नष्ट भएको हो ।
घरमा भएको अन्नपात, लत्ताकपडा, फर्निचरलगायत नष्ट भएको छ भने ९ वटा खसी बाख्रा जलेर मरेका छन् । त्यस्तै, एउटा बाच्छो घाइते भएको छ ।
भद्रपुर र मेचीनगरबाट आएका दमकल, स्थानीयबासी र प्रहरीको सहयोगमा बिहान ४ बजे आगो नियन्त्रणमा आएको थियो । आगलागीको कारण थाहा हुन नसकेको प्रहरीले जनाएको छ ।
