बिर्तामोड, असोज ८ । झापाको दमकमा तीनचक्के विद्युतीय सवारी साधन सिटीसफारी चार्ज गर्ने क्रममा करेन्ट लागेर एकजनाको मृत्यु भएको छ ।
आज बिहान अन्दाजी ९ः३० बजे इलाम महमाई स्थायी ठेगाना भई हाल दमक ८ मा डेरा गरी बस्ने अन्दाजी २६ वर्षीय कमल बुर्जामगरको करेन्ट लागेर मृत्यु भएको हो ।
आफ्नै सिटीसफारी चार्ज गर्ने क्रममा विद्युत सर्ट भई करेन्ट लागेर गम्भीर घाइते भएका उनको बिएन्डसी अस्पताल बिर्तामोडमा ल्याउनसाथ मृत्यु भएको हो ।
दमक अस्पतालमा सामान्य उपचारपश्चात थप उपचारको लागि उनलाई बिएण्डसी अस्पताल ल्याइएको थियो । घटना सम्बन्धमा थप अनुसन्धान भइरहेको जिल्ला प्रहरी कार्यालय झापाले जनाएको छ ।
