बिर्तामोड, पुस २४ । नेपाल रेडक्रस सोसाइटी बिर्तामोड उपशाखाको सभापतिमा मनोज अग्रवाल निर्विरोध निर्वाचित भएका छन् ।
आज भएको मनोनयन दर्तामा सभापतिसहित सबै ११ पदमा एकएकजनाको मात्र उम्मेदवारी दर्ता भएको निर्वाचन अधिकृत चन्द्रप्रसाद चुडालले जानकारी दिए ।
त्यस्तै, उपशाखाको उपसभापतिमा शिला भट्टराई बराल सचिवमा नीरजकुमार ओली, कोषाध्यक्षमा याम कार्की, उपसचिवमा रंगशाला न्यौपाने र उपकोषाध्यक्षमा गोबेन धिमाल निर्वाचित भएका छन् ।
त्यस्तै, महिला सदस्यमा रेजिना गौतम, सदस्यहरुमा राजेन्द्र चौँलागाईं, मिजास पोखरेल, ऋषभ बस्नेत र मनोजकुमार शाह निर्विरोध निर्वाचित भएका छन् ।
बिर्तामोडको पञ्चकन्यामा आफ्नै भवन रहेको रेडक्रस उपशाखामा नियमित रक्त सञ्चार केन्द्र समेत सञ्चालन हुँदै आएको छ ।
नेपाल रेडक्रस जिल्ला शाखा भद्रपुर मातहतका अधिकांश उपशाखाको नयाँ नेतृत्व चयनको प्रक्रिया चलिरहेको छ । यसअघि हल्दिबारी, खुदुनाबारी, गौरादह, जलथललगायतका उपशाखामा नेतृत्व चयन भइसकेको छ भने केही उपशाखाहरुमा नेतृत्व चयनको प्रक्रिया चलिरहेको छ ।
Comments are closed