बिर्तामोड, चैत १९ । नेपाल औषधि व्यवसायी संघ (एनसिडिए) झापाले कनकाई नगरपालिकाको सुरुंगा बजारमा रहेका आफ्ना सदस्यलाई प्रमाणपत्र वितरण गरेको छ ।
आफ्ना सदस्यतालाई पसलमै पुगेर प्रमाणपत्र वितरणलाई तीव्र बनाएको संघले नयाँ सदस्य पनि धमाधम बनाइरहेको छ ।
संघका अध्यक्ष जीवनकुमार खड्काको नेतृत्वमा सुरुंगा बजारका डेढ दर्जन व्यवसायीलाई संघको प्रमाणपत्र प्रदान गरिएको सचिव यज्ञराज कार्कीले जानकारी दिए ।
प्रमाणपत्र वितरण, नवीकरणसँगै नयाँ सदस्य पनि धमाधम बनाइएको संघका खुद्रा उपाध्यक्ष राकेश शाहले जानकारी दिए । अब केही दिनमै बिर्तामोडमा छुटेका व्यवसायीलाई प्रमाणपत्र प्रदान गरिने शाहले बताए ।
चैतको पहिलो सातादेखि एनसिडिए झापाले आफ्ना सदस्यहरुलाई सदस्यता प्रमाणपत्र वितरण कार्यलाई निरन्तरता दिइरहेको संघका सदस्य याम विष्टले जानकारी दिए ।
